يا حلوي - بقلم طانيوس أندراوس

يا حلوي

يا حلوي القلب شرعلك بوابو

تيستقبلك عندو من أحسن حبابو

فوتي عقلبي وزرعي البسمات

تينسى الأسى والحزن وعذابو

ومن فرحتو قلبي صارت الدقات

تنشد غناني قصص وحكايات

رجعت البسمة وصفيت النيات

من وقت ما انت وقفتي عبابو

ويا حلوي القمر مش دايماً سهران

تينور علينا وعالعاشق الولهان

يمكن يكون الليل مستحي وخجلان

وما بدو بوجودك يلبس تيابو

ولمن بيكون عنا غايب هالقمر

بيقعد على بوابنا يخيم هالضجر

ليش ما بتكوني فوق تيحلا السهر

وتضوّي إنت مطرح غيابو

 ــــــــــــــــــــــــــــــــــــــــــــــــــــــــــ

بقلم

طانيوس أندراوس

عِندَما تُشْرِقينَ في سَماءِ مُخَيِّلتِي - بقلم طانيوس أندراوس

 عِندَما تُشْرِقينَ  في سَماءِ مُخَيِّلتِي

عِندَما تُشْرِقينَ  في سَماءِ مُخَيِّلتِي

يَنْتابَني شُعورٌ انني

أَراكِ

أُكَلّمكِ

أسمعكِ

أتنشقكِ

أشعرُ بكِ

عِندَما تُشْرِقينَ في سَماءِ مُخَيِّلتِي

تَصْنَعينَ وجودي

تَسكنين إحْساسي

تُحَرّكينَ مَشاعري

تَزْرَعينَ الفَرحَ

في أيّامي

تُسافِرينَ مَعي

عِبْرَ أحْلامي

إنسجامي

وتأملاتي

عِندَما تُشْرِقينَ في سَماءِ مُخَيِّلتِي

يَنْتابَني شُعورٌ أنّكِ

مَعي

بِقُرْبي

تُراقِبينَني

تَتأمّلينَني

تَنْشُرينَ عِطْرَكِ

من حَولي

صوتك يُناديني

يَهمُسُ لي

أُحِبّكْ .... أُحِبّكْ

عِندَما تُشْرِقينَ في سَماءِ مُخَيِّلتِي

انسى أحْزاني

وآهاتي

تَضْحَكُ لي الدّنيا

تَرسمينَ إبْتِسامَتي بِريشةِ عَيْنَيْكِ

تَغْمُرينَني ب ِحُبّكِ

تَحضُنينَني بِ عشْقكِ

تَسبَحينَ في بَحرِ

أفْكاري

ففي غِيابكِ

يَلفُّ دُنْيايَ السُكونْ

وفي وجودكِ

تَضْحَكُ أحْزاني وَتَهونْ

فَأنا أكْتَفي بكِ

ولا أكْتَفي مِنْكِ

ـــــــــــــــــــــــــــــــــــــــــــــــــ

بقلم

طانيوس أندراوس

تركونا نعيش - بقلم طانيوس أندراوس

تركونا نعيش

تركونا نعيش متل ناس كتار

ما شفنا من الدني غير قتل ودمار

وعينا ع حرب ولعاني

ناس تقتل ناس

وناس جوعاني

وبيوت تحترق

عم تاكلها النار

شو ذنب الطفولة

شو ذنب لزغار

يموتو ضحية طمع

ولعبة كبار

شو ذنب إم فقدت ولدها

بليلة شؤم ما رجع عالدار

شو ذنب ناس بسببكم انتوا

تحدد مصيرها

وانتها المشوار

وانتو يا مسؤولين

يلي المفروض عالوطن سهرانين!!!

فيقو بقا

ليش عالشعب نايمين؟؟؟

ما عرفتوا يلي صار؟؟؟

قتل وخطف

فقر وإحتكار

سمعوني منيح يا رجال السياسي

بيكفينا قهر بيكفينا مآسي

قسّمتوا البلد تقاسمتوا الكراسي

هيدا بدو يكون وزير

هيدا بدو يكون نايب

هيدا بدو الرئاسي

والشعب عم بيموت

وعم تتهدّم بيوت

والظلم قاسي

ــــــــــــــــــــــــــــــــــــــــــــــ

بقلم

طانيوس أندراوس

اين أنتِ - بقلم طانيوس أندراوس

أين أنتِ

أين أنتِ
لم أعد أراكِ

بَِحَثتُ عَنْكِ 

بينَ حُروفي وَكَلِماتي

بينَ سُطورِ قَصائدي 

وأَبْياتي

بَِحَثتُ عَنْكِ 

في كِتابي

بينَ اَوراقي 

وفي صَفَحاتي

سَألتُ عَنْكِ

أَيامي 

سَأَلْتُ الماضي

وذِكْرَياني

سَألتُ عَنْكِ 

النُّجومَ والقَمَرْ

اللَّيْلُ والسَّهَرْ

سَأَلْتُ هَمَساتي

أيْنَ أنْتِ

لَمْ أَعُدْ اَراكِ

لَمْ أعدْ أَسْمَعُ هَمَساتكِ

بحثتُ عَنْكِ 

في عُيوني

بَيْنَ جُفوني

بَيْنَ أَحْزاني 

وأَفْراحي

وابْتِساماتي

أيْنَ أنْتِ

لَمْ أَعُدْ أراكِ

سِوى بِأَحْلامي

طَيْفُكِ مِنْ حَوْلي

يُناديني

يَسْكُنُ آهـَاتي

أتَنَشَّقُ عِطْرَكِ

أَفْتَرِشُ أحْلامكِ

أَسْكُنُ نَظَراتكِ

فَكُنْتِ أنا 

وَكنتُ أتْتِ 

يا سرٌّ مِنْ أسْرار

حَياتي

ـــــــــــــــــــــــــــــــ

بقلمي

طانيوس أندراوس

قصة حلوي وحلم - بقلم طانيوس أندراوس

قصة حلوي وحلم

لَمَحتْ من بعيد

حلوي صبية(ي)
متل الحَجَلْ

عَمْ تِكْرُجْ عليّي
قَرَّبِتْ منّي 

قَرَّبِتْ اَكْتَرْ
وصِرتْ إتْذَكَّرْ 

ان كنت بعرف

مين هالحورية(ي)

وصْلِتْ لَحَدّي 

عيونها بعيوني

تامَّلِتْ فيّي

حاملي معها وردة 

حمرا جوريّة(ي)

مَدِّتْ إيدها 

وبكل ثقة

قَدَّمِتْلي هيّ

وهَوْن عَقْلي طارْ

قلت شو ل صارْ

وشو عِنْدْها نيّي

مَدَّيْتْ إيدي وأَخَدتْها

وعْتَبَرْتْها هديّة(ي)

تشَجَّعتْ وعَزَمْتْها

ت تْروح معي 

عَ شي سَهْريّة(ي)

قِبْلِتْ وتْواعَدْنا 

رُحْنا وقَعَدْنا 

حَدْ نَبْعِة المَيّيِ

حكينا كلام حب

وصارْ يدِقْ القَلْبْ

وقدمتلا زهرة ربيعية

من نَظْرَة لَ نَظْرة

مِنْ كِلْمِة لَ كِلْمِة

ومِنْ بَسْمِة ل َبَسْمِة

حَطِّتْ إيديْها النّاعْمِة بإيديّيِ

وْبِعْيون مشتاقَة

ونَظْرات حَرّاقَة

طَلَبِت منيْ بَوْسِة ناريِّة

فْرِحِت وجَهَّزِتْ حَالي

تَبوسْ شِفِّتْها الطَريِّة(ي)

ومِنْ حَظِّي المْعَتَّرْ

فِقِتْ مِنْ حِلْمِي

طابِعْ شْفافي عالمْخَدِيِّة(ي)

ـــــــــــــــــــــــــــــــــــــــــــ

بقلم

طانيوس أندراوس

أجبروكي - بقلم طانيوس أندراوس

أجبروكي على نسياني

لماذا نسياني

لماذا هجراني
لماذا هجرتي قلبي

وروحي وتركتي
شرياني
لماذا هجرتي يقظتي 
وأحلامي وكل أيامي
فأصبح الحلم بلا عنوانِ
أغمضوا عيونك كي
لا تراها عيوني
ولا تراني
هجرتي ليلي ونهاري 
وسهري وانتظاري
فأصبح النور ظلاماً
فسواد الليل 
أعماني
هجرتي قصائدي 
بعثرتي حروفي
تركتي أقلامي
فجفّ الحبر وما عاد القلم
يكتب لا حروفاً 
ولا معاني
راهنوا عليكِ فدسّو الشك 
في أفكارك 
فكسبوا الرهانِ
ما حسبت يوماً 
أننا سنفترق
فما كان بالحسبانِ
حرام عليكِ أن تتركِ 
سنوات بنيناها سويّة
تضيع بثوانِ
طُعِنتُ بك في القلب غدراً
كطعنة الفارس في الميدانِ
ترك غيابك دمعة حارقة 
في عيوني فغيابك أبكاني 
أصبح العمر في حياتي برهةَ
فما عادت الحياة تهواني
بالله عليكِ يا ملاكي عودي
أستحلفكِ بالإنجيل وبالقرآنِ
فما عدتُ أحتمل غيابك 
فنار البعد عنكِ كواني
ـــــــــــــــــــــــــــــــــــــــــــ

بقلم
طانيوس أندراوس

لما العتب - بقلم طانيوس أندراوس

لما العتب

لما العتب

وتعلمين أنك حبيبتي

قي قلبي تسكنين
وعلى عرشه تتربعين

وعلى إحساسي ومشاعري

 تتنقلين

وعلى سطور أضلعي

تكتبين وتمحين

لما العتب

لما العتب

وكل شيء من حولي

أنت ِ

عيوني لا ترَ سواكِ

احلا العاشقين

عبير عشقي وحبّي

تتنشقين

انت في عيوني

دمعة فرح وحنين

لما العتب

وأنت حياتي

وكل أحلامي

وذكرياتي

وزهرة أيامي

وفي عمري

السنين

لما العتب

ـــــــــــــــــــــــــــــــــــــــــ

بقلم

طانيوس أندراوس

ناداني إلهامك - بقلم طانيوس أندراوس

ناداني إلهامك

ناداني إلهامك

من خلف أسوار إلهامي

                                                   حررته

فانتشر وتجمّع

ثم تناثرت حروفه

وتغلغل بين مشاعري

وأحاسيسي

فذاب وتسرّب

وسال في عروقي

حتى رؤوس أناملي

فارتعش قلمي

أخذته بين أصابعي

فامتلأ حبراً

وكتبت...

أنت ملهمتي

وربيع أفكاري

أنت حديقة حروفي

أقطف منها عبير كلماتي

وأغرسها في قلبي

لتنبت عشقاً

وأحصد حبك

أنت أنشودتي

أنشدها في وحدتي

في تأملاتي

في لحظات سعادتي

عند الصباح

وعند المساء

فيا له من لحن

يتجول في أعماقي

يزرع في قلبي

الحب والعشق والأمل

فيا ملهمتي

أهمسي في قلبي كلمة حب

ورشّي حروفك الوردية

عبلى ظلال أفكاري

ـــــــــــــــــــــــــــــــــــــــــ

بقلم

طانيوس أندراوس

شو هالحالة يا جارة - بقلم طانيوس أندراوس

شو هالحالي يا جارة

شو هالحالي يا جـــارة

ساعـــة ناطرة سيــارة

اطلـــع فيهـا أوتوستوب

تمــــا ادفــــع أجـــــــارا

مــا معـي أجرة سرفـيس

ولا أجــــرة أوتوبــــيس

عــم أشّـر متــل البوليس

لــ واقـــف ع الإشــــارة

بالماضي كان فينـا نعيش

بالحاضر صرنا دراويش

عالليــرة نفتـــش تفتيــش

القصّـــة بدهـــا شطـــارا

هيــدا كلـــو مــن الدولار

لـ طالـــع نـــازل منشــار

ولـّــع هالليــــرة بالنــــار

ومجــّـا متـــل السيكـــارا

كيف رح بعيش الفقيـــــر

بهـــالغــلا وهالتعتيــــــر

بعـــد شويـّـة رح بصيــر

يعملو المـــوت زيـــــارة