صار عمرك اليوم بالسما اربعين
وبعدن دموعي عليكي عم ينزلو
الله اختارك معو بين القديسين
توب الملاك عليكي ما اجملو
اربعين يوم مرقو كأنها سنين
اكاليل الزهر عقبرك مش عم يدبلو
قلبي على غيابك بعدو حزين
دقاتو عنك بيضلو يسألو
وينا يلي عطتني حب وحنين
ونظراتها لعندي كانو يتسللو
صليلنا يمي
صليلنا يمي يحمينا الرب المعين
صوتك صلى بالسما الله حللو
همسات ومشاعر
الشاعر طانيوس أندراوس
