بنتي احلى صبيّة بهالدني
زهرة حلوي عمرها عشرين سني
ربَّيتا عا ايدي وكانت الطفلة
تصارت بهالعمر والعمر غفلِة
غمرتا بعيوني وفيها بغتني
زرعتا زهرة بحقلة سنيني
سقيتا حناني كل عطفي وحنيني
قلا يا روحي ويا عمري ويا تقبريني
تكبرت وصارت متل السوسني
ولما عن شفافي تختفي البسمي
والوجع يهجم ويضرب بجسمي
بتجي لعندي بوجي مبتسمي
تخفف عني وتسأل شو بني
يا رب من العمر زدلي سنين
تا شوفا عروس وحلوة الحلوين
وعريسها يلي طل متل الأمير
عا حصانو الأبيض ياخدها ويطير
وشوف السعادة قدامها تنحني
همسات ومشاعر
طانيوس أندراوس
31/8/2018
ليست هناك تعليقات:
إرسال تعليق