بقلم
طانيوس أندراوس
إظهار الرسائل ذات التسميات صور شعرية. إظهار كافة الرسائل
إظهار الرسائل ذات التسميات صور شعرية. إظهار كافة الرسائل
2015/10/05
2015/10/02
2015/09/07
عيد الحب - بقلم طانيوس أندراوس
عيد الحب
لما عيد الحب عنا صار
تغنّج حبيبي عليِّ وقلّي
مشّي معي نروح شي مشوار
نقطف ورد ونحط بالسلّة
ونقعد شوي حد نبعة الفوّار
مطرح ما كنت انطرك اتطلّي
ونخبّر بعض شو عنا أسرار
نطير من الفرح وبالسما نعلّي
ونتذكر سوى وقت كنا زغار
تجي لعندي وما اتركك تفلّي
ومن وحي عيونك إكتبلك الأشعار
كلمات حلوي منها تتحلّي
قلبي نبع حب بعطر الغار
فوتي شربي منو وقلبك تملّي
عتّم علينا الليل وطلع النوّار
سرقنا الوقت تَخُلص النهار
ضمني لصدرو وصرخت يا دلّي
ــــــــــــــــــــــــــــــــــــــــــــــــــــــــــــــ
بقلم
طانيوس أندراوس
الإستقلال - بقلم طانيوس أندراوس
الإستقلال
ضحكت الأرزة
ورفرف العلم
وفرحت الساحات
والوطن ابتسم
وبـ تنين وعشرين
بشهر تشرين
إستقلابنا نرسم
نرسم بإيد ناس
عندن إحساس
بحبو الوطن
مرفوع الراس
ماتو كرمالو
حتى ما ينداس
في عندن قيم
والعلم ع تلالك
مرفوع كرمالك
والأرزة بالسما
تحكيك بالوما
تحيي إستقلالك
لازم نفهما
ونقول
كلنا للوطن للعلى للعلم
ـــــــــــــــــــــــــــــــــــــــــــــــــــ
بقلم
طانيوس أندراوس
يا لبنان شعبك بكي - بقلم طانيوس أندراوس
يا لبنان شعبك بكي
يا لبنان
شعبك بكي
علی كتفك
نام وتكي
والدمع بعيونو
تنزل لعندك
تشتكي
تشتكي من الجوع
من الظلم موجوع
يصرخ وينادي
آه يا بلادي
صوتو مش مسموع
وشو نفع الحكي
شو بتنفع الصرخات
وشو بتعمل الآهات
وشعبك المسكين
عم ياكل سكاكين
ومن قوة الضربات
صارت حياتو ملبكي
2015/08/30
الاشتراك في:
الرسائل (Atom)