قصيدة الى إبنتي - طانيوس أندراوس

بنتي

أنتِ في كل حروف الأبجدية - بقلم طانيوس أندراوس

أنتِ في كل حروف الأبجدية

أنتِ في كلُ حروفِ الأبجديَّة

  في الألفِ (أ)

أنتِ أميرةٌ

مملكتكِ قلبِي

تسكُنينْ

وعلى عرشِهِ

تَتَربعينْ

في الباءِ(ب)

أنتِبَسْمَةٌ

على ثَغرِي

أرسمها وأبتسِمُ

حينَ تبتسمينْ

في التاءِ (ت)

أنتِ تاريخٌ

كُتِبَ بريشةِ

أساطيرِ

العشقِ والحبِ

والحنينْ

في الجيمِ (ج)

أنتِ جمالٌ

ممزوجٌ بعطرِ

الوردِ والرياحينْ

في الحاءِ (ح)

أنتِ حلمٌ

يحلمُ بهِ

كلُ عاشقٍ

في ليالي

العاشقينْ

في الخاءِ (خ)

أنتِ خمرٌ

لو تذوقتهُ

لسكرتُ منهُ

سنيناً وسنينْ

في العينِ (ع)

أنتِ عيونٌ

تغرقُ بِها

العيونْ

وفي عيونِنَا

تعومينْ

في الغينِ (غ)

أنتِ غنايَا

وكلُ شيءٍ

ومنْ دونكِ

لا حياةَ

ولا حنينْ

في الفاءِ (ف)

أنتِ فرَحِي

وسعادتي كُلُها

وحبيَ اليقينْ

في القافِ (ق)

أنتِ قمرٌ

فوقَ النجومِ

وفي الليالِي

تَسْهَرينْ

في الكافِ (ك)

أنتِ كُتُابي

وقلمِي وعلى

إحساسي ومشاعِري

تَكْتبينْ وتمحين

في الميمِ (م)

أنتِ ملاكٌ

يحرسُ طَيْفِي

أراهُ حينَ

أنامُ أينما

تكونينْ

في الواوِ (و)

أنتِ ودُّ

وحبٌّ وزخْرفاتُ

قلوبُ المراهقين

في الياءِ (ي)

أنتِ يمامةٌ

تُرِفْرِفُ وتَنشرُ

الهوى للحالمينْ

أنت كل حروف الأبجدية

ـــــــــــــــــــــــــــــــــــــــــــــــــــــ

بقلم

طانيوس أندراوس

  

ع دراج العمر - بقلم طانيوس أندراوس

قصيدة بمناسبة عيد ميلاد 

شاعرة الأرز كاتيا نصره

ع دراج العمر

يا كاتيا

 عم تتنقلي سنين

دراجات مفروشة هنا

ودروب مزروعة

ورود وياسمين

وإيام تطوي إيام

مكتوبة بحرف الوفا

محفورة بقلبك دفا

حب وحنين

                                                          

من بعيد

طلة سنة من بعيد

عم تقطف الإيام

بالمحبة عناقيد

مزينة بالحب

لابسة توب جديد

تندهلك تعي

كفي العمر معي

جاي بعمرك زيد

ويفرحوا الأحباب

ونضوّي شموع العيد

ونتمنالك إيام

كلها سعادة

ما فيها أنين

شو فيّي

بهالمناسبة إهديكي

غير الأخوة وكلمة

 إخت ناديكي

وأطلب من رب السما

رب السما

طول العمريعطيكي

وبين جناحو يضمك

ويحميكي

وتبقي كل العمر

وع دراج العمر

عم تتنقلي سنين

يا أحلا إخت بهالدني

واليوم زاد من عمرك سنة

وانشالله بتجيكي إيام

ورود وفرح وسوسني

ـــــــــــــــــــــــــــــــــــــــــــــــــــــــــــــــــ

بقلم

طانيوس أندراوس       

ختيرت - بقلم طانيوس أندراوس

لما شخص بيصير ختيار عمره بيناهز ال80 سنة

لما بدو يحكي عن حالو شو بيقول.

خَتْيَرتْ

الظاهرْ عليّي خَتُيَرُتُ وشَعري شابُ 

هجم عليّ التَعَبْ والهَمْ وجعّدو خْدودي

ورسمو عَ جبيني خْطوط مْن العَذابْ 

ما كانت مِنْ قَبِلْ بَعدها مَوْجودي

والنَظَرْ ما بَقا يْشوف غَيْر ْلِـ قْرابْ 

وصارِتْ النَظْرات لـ بعيد مَحْدودي

صِرْتْ اِرْجَعْ عَ البَيْتْ قَبِلْ لِغْيابْ 

حَتَى ما فوتْ ب طَريقْ مَسدودي

وصِرْتْ لَكِلْ شي اِحْسبْلو حْسابْ 

بخافْ اِمْشي واِتْفَرْكَسْ ب عودي

صارْ التَعَبْ يِمْشي مَعي لـ البابْ

إيدو بإيدي يِضْحَكْ عَ مَجْهودي

صِرتْ إشْتاقْ بالبَْيتْ لِلّي غابْ 

وما بَقا عَمْ اِقْدِرْ اوفي بِوعودي

صِرت اتْذَكَّرْ كتيرْ اِيامْ الشبابْ

كيفْ كنت بهالعمرْ افرض وجودي

ْ كانتْ الصَبايا بالدور تُنْطُرْ عالبوابْ 

صارِتْ الكآبة تفوتْ تَتْنامْ عَ زْنودي

خَتْيَرتْ وصارتْ سنيني كَوْمِة تْرابْ

ومِنْ بَعِدْ كِلْ هالعُمُرْ يلي راح

صارِتْ حياتي بهالعمرْ أيام مَعْدودي

ــــــــــــــــــــــــــــــــــــــــــــــــــــــــــــــــــــــ

بقلم

طانيوس أندراوس

20/8/2015

تغارين - فيديو

فيديو مصوّر

لقصيدة تغارين

بقلم

طانيوس أندراوس

سوف أكتب عنكِ - فيديو

فيديو مصوّر لقصيدة

سوف أكتب عنكِ

بقلم

طانيوس أندراوس

الحلوي والقمر - بقلم طانيوس أندراوس

الحلوي والقمر

تبقي يا حلوي لا تمرقي

بهالليل من حد القمر

تتغندري وتتمختري

شمال ويمين

حرام عليكِ

يمكن يستحي منّك

ويبطل سهر

ويمكن عالسهر

يحلف يمين

تبقي طلعي بهالليل بغيابو

ضوّي عالبشر

ب ليالي العاشقين

هيك ما حدا بيحس

بوجود الضجر

وبتضوّي كل السما

والأرض من عيونك

الحلوين

ــــــــــــــــــــــــــــــــــــ

بقلم

طانيوس أندراوس

خلص السهر - بقلم طانيوس أندراوس

خلص السهر

خلص السهر

يعني ما بقا في بالليالي سهر

وخلصت الضحكات وبسمات السمر

وماعاد في بيناتنا غناني

وصار يلاحقني ع بيتي الضجر

مبارح بالمسا كنا سهرانين

نخبرقصص و شوكنا حلوين

يمرالوقت ع غفلة تخمين

تطلع علينا الشمس ويغيب القمر

ما بعرف شو جرى وشو صار

بليلة ما فيها لاضو ولا أنوار

طلت  بهالليل تتبعد المشوار

وقلبي الحنون من خوفو نكسر

خلص يا قلب كرمال الحبيب

لإلك بهالدني معو شوية نصيبب

لا تتركو وتروح أمرك مش عجيب

هيك نكتبلك وهيك بدو القدر

ــــــــــــــــــــــــــــــــــــــــــــــــــــــــــــــــــ

بقلم

طانيوس أندراوس

طل الصبح - بقلم طانيوس أندراوس

طل الصبح

لما ع كتفك نام 

يا ليل القمر

ودابت العتمة 

بعيونك غفا

وتعبت النجمات 

من كتر السهر

وعرقت الغيمة 

ع جبينك دفا

وهبّت النسمات 

ع كل البشر

وشرقت الشمس

 تتوزّع وفا

بكون طل الصبح 

تيمحي الضجر

وتلتقي الأحباب 

من بعد الجفا

ـــــــــــــــــــــــــــــــــــــ

بقلم

طانيوس أندراوس

بحبِّك - بقلم طاانيوس أندراوس

بحبك

بحبّك 

ع اد ما بالسما

في نجوم وقمر

وع اد ما عالارض

في ناس وبشر

بحبك

كل ما الشمس 

بعدا عم تشرق

والوقت

بعدو عم يمرق

والورد

ينشر عطر

بحبّك

كل ما فرش بعيوني

فصل الربيع

ولبس تيابو الملونة 

الجو البديع 

وزهَّر الياسمين

ووراق الشجر

بحبك

كل ما القصيدة

دابت عالكتاب

وبعدو القلم يكتب

وما شاب

وما دام اسمك

بحروف الهجاء

تناديلك وتندهلك

احرف النداء

والقوافي 

بآخر السطر

بحبّك

كل ما 

ضحكلي للليل

وجن السهر

ونسمات تجي وتروح

مشحونة صور

بحبّك

كل ما عطش هالليل

عبابي الهوى

وكل ما عنقود العنب

ع امو استوى 

زح ضل حبك

تيخلص العمر

شو حلوين - بقلم طانيوس أندراوس

شو حلوين

شو حلوين وقمورين

وع جوانب الطريق

يبقو ماشيين

وحلوي تتمختر

وحلوي تتغندر

وخدودهن سكر

وعطرهن 

بـ ريحة الورد

و الياسمين

وعيون سهراني

من الحلا سكراني

ونظرات تلحقهن

شمال ويمين

ــــــــــــــــــــــــــــــــــــــــــــــ

بقلم 

طانيوس أندراوس