سأخرج من أحلامي بقلم طانيوس أندراوس

سأخرج من أحلامي

سأخرج من أحلامي

يقظني تناديني

أسابق صباحي

أستيقظ باكراً

أراقب إختفاء النجوم

أشهد بذوغ فجركِ

وشروقكِ

أشهد كيف أنكِ

تنشرين الحب دفئاً

والأمل نوراً

كيف أن الزهور

تتراقص فرحاً

لتنشفها عطرك

أقصد بساتينك، أزرعها

عشقاً ، أرويها شوقاً

أحصدها حباً ...

أَسكنيني دموعَك وازرفيها

ودعيها تنساب

على خدّيكٍ

وامسحيها فرحاً

وارسميها بسمة

على شفتيكٍ ....

وارمي بنور عينيكٍ

لتتزيد النور نوراً

والجمال جمالاً

والروعة روعةً

فبك يبدأ نهاري

فبدونك لا وجود

لصباحي

بقلم 

طانيوس أندراوس

يا جنوب بقلم طانيوس أندراوس

مهما يا جنوب عليك تراكمت الحروب

وسهولك نزرعت قنابل ونسدّت دروب

وصارت النيران تحرقلك مباني

ودخان ع شمسك بتولّد غروب

دمّي فداك ولو يوم من عمري بقي

منّك الطغيان بطرد تتبقى يا جنوب

لا تخاف يا جنوب في عندك رجال

خلقو للحرب بالمعركة أبطال

بتواجه الموت بتطرد العدوان

بجبين عالي بقدر ما بينطال

كرمالك هني ما بدهن قصور

بدهن ع ضهر الموت يبنو الن عرزال

مهما يا جنوب عليك امتدّت أيادي

ت شبر من أرضك تاخد زيادي

لا تخاف منها ما منتركها

بقوي وإيمان عزم وإرادي

هالإيد نحنا بقوي منقطعها

وما يروح من أرضك شبر يا بلادي

بقلم

طانيوس أندراوس

كتبتكِ قصيدة بقلم طانيوس أندراوس

كتبتكِ قصيدة

حينَ رأيتكِ

تحرَّكتْ مشاعري

إستيقظَ بداخلي 

ربيع افكاري

فإنتشر عطرك الهاما"

بين طيّات الماضي والحاضر

ثارَ جنوني

فكتبتكِ قصيدة

على صفحاتِ أشواقي

لامَسَتْ حروفها

حنيني وذكرياتي

كتبتكِ نبضا"

بأجمل القوافي

كتبتكِ بصمت

برائحة الغار

جرَّدتها من تنهيداتي

سطَّرتها بأحاسيسي

ختمتها بلهفتي 

سافرتُ معها

الى اللاحدو

الى اللاوجود

الى بريقِ عينيكِ

الى عالمكِ

حيث الحب والحنين

حيث لا وجع ولا انين 

دفنت به آهاتي... 

ستقرأيها يوما"

وسترَيْ ذاتكِ

بين روعة كلماتها

وسرِّ جمالكِ

ستكون مرآتكِ 

عطركِ

ابتسامتكِ

عشقكِ

لأنك حياتي

كتبتكِ بروحي

بزخرفات عمري

فأنتِ حبيبتي

والهامي

وكل قصائدي

بقلم

طانيوس أندراوس

عاشق أنا بقلم طانيوس أندراوس

عاشق أنا

عاشق أنا والقلب مغروم

وخدّي الطري اشتاق لمخدي

عشقت السهروالنوم ما لو لزوم

وغير السهرأنا ما بفى بدّي

بدّي بحر أفكار حتى عوم

وع موج الحب إسحبك حدّي

نسهر سوى وبالسما نعد نجوم

ودقات قلبي وحدك تعدّي

بوجودك معي ما بقا في هموم

وما بقا في ايام مسودي

رح ضل فيكي فكّر وما قوم

وتبقى ليالي ايدي على خدّي

بقلم

طانيوس أندراوس

وطن موجوع بقلم طانيوس أندراوس

وطن موجوع

الوطن من جنوبو لشمالو

عم يبكي وَجَع ع شعبو المسكين

عم يتعذَّب ومقهور كرمالو

طعنات بالظهر غدِر وسكاكين

وإيد العمالةِ صارت خيالو

حِمْلِتْ سلاح ورجال مدسوسين

زَرَعو الفِتَنْ وقطَّعوا وصالو

ما هَمُّنْ لا طايفِة ولا دين

وصَوت الرصاص غنَّى موّالو

وناس عم تُهرب شمال ويمين

وصار المَدفَعْ كل ما يحلالو

يفرِّق ناس عن بعض مجموعين

ودخان عم يطلع من قبالو

ونيران عم تِحرق شجر وبساتين

ما عاد الطَّير يسكن جبالو

ولا عِدنا سمِعنا صَوْت حساسين

ريحة الشهادي طُلعت من رجالو

شُهدا عالأرض بالدّم غرقانين

أَجراس الكنايس صَرخِت حبالو

الله واكبر توحَّدو يا مؤمنين

يا رب شيل الحقد وازرع بدالو

الحب والسلام للأبد آمين

بقلم

طانيوس أندراوس