أنا بالشعر عندي هوايِة
لا بخطب عالمنابر
ولا بلبس عبايي
أنا لا شاعر ولا كاتب
ولا مألف روايي
بكتب الإحساس
بترجم شعور الناس
بختار كلماتي
بدقة وعنايي
لمن أنا بكتب قصيدة
بتضحك الكلمات
ع خدود القوافي
وبيرقص القلم
لماسكو بإيدي
وبينزل فرح
ع سطوري بـ لطافي
برجع بقول أنا مش شاعر
أنا إنسان عندي مشاعر
بحب الحرف وبعشق الكلمة
وكتابة الشعركانت بحلمي
وبيوت الشعر حاملها ع كتافي
ـــــــــــــــــــــــــــــــــــــــــــــــــــــــــ
بقلم
طانيوس أندراوس
ليست هناك تعليقات:
إرسال تعليق