يلي الله نفخ فيك الروح
يلي الله نفخ فيك الروح
بكمشة تراب
حِبْ خيَّك الإنسان
لا تعيش بسراب
الله عطاك العمر
تتعيش الحياة
عيشا بفرح
عيشا بسعادة
لا تهوى العذاب
حب وطنك
حب بلادك
حب أهلك
حب ولادك
وكون الشمس
بلحظة غياب
ولا تكون للمصلحة
إنت الضحية
ولا تطمع بمال
ونفسك دنية
ولا تتبع غني
ولا مسؤول
لا تحسبلو حساب
شوف الطبيعة حواليك
كحِّل فيها عينيك
ولا تهاجر وتروح
عالغربة لـ فيها جروح
وتقعد عالبواب
وعيش حياتك
عالوفا والإخلاص
ع محبة الله
وإحترام الناس
ويكون عقلك هو الأساس
مش بس جسد عالأرض
لابس تياب
ـــــــــــــــــــــــــــــــــــــــــــــــــــ
بقلم
طانيوس أندراوس
ليست هناك تعليقات:
إرسال تعليق