عجَنْت الحرف بالمعنى وصفَّيْت القوافي
وكتبت فيكي بيوت من شعر دافي
تا كل سنة بهاليوم اهديكي قصيدي
ووَعّي فيكي عام عا سرير العمر غافي
ونضَوّي معِك شَمْعِت سنة جديدي
وشَمْعت سنِة راحت تطفيها بلطافي
وتتمني الفرح وقت لّي بتريدي
ونطلبلك من الرب يعطيكي العوافي
ومهما كانت الأحلام عنِّك بعيدي
اختصرتي الوقت وقرَّبتي المسافي
وياسنة تعي بكل سنة بتموز عيدي
وضلِك بعمرها سنين عاطول زيدي
تا ارجع من جديد اعجن حروفي
وإكتبلها قصيدة بكل قلب صافي
همسات ومشاعر
طانيوس أندراوس
ليست هناك تعليقات:
إرسال تعليق