ما تخلو الوطن يا ناس يتدمٌر
ولا تخلو حدا عليه يتكبَّر
لأنو وطنا جنة من الجنات
لازم عالقليلي نحميه مش اكتر
وهونبك يا لبنان
مطرح ما نزرعت الارزات
فاح منها ريحة المسك والعنبر
وارضك لرتوِت من دمٌات
شهدا ابطال جيشك العسكَر
كتبو عنَّك اجمل حكايات
واستقلالك حكي عن شهدا عنجَر
كتبوك الشعرا بأجمل الأبيات
وقالو عنك لبنان يا اخضَر
نرسمت سهولك بأجمل اللوحات
وفوق جبالك القمر عم يسهَر
ومهما تلبَدِت فوقك الغيمات
وقلب بيروت عا بابك تكسٌَر
بتضلك قوي اقوى من النهدات
وبشعبك لواقف معك بالساحات
رح ترجع من جديد يا وطن تتعمَّر
رح ترجع يا وطني
رح ترجعلك الليالي والسهرات
وتحت قبِّة سما بيروت اتصوَّر
وحد شطوطك الحلوي والميات
امشي على كورنيشَك واتمختَر
رح تِرجع الشوارع تعِجْ سيارات
ويتحاسب الي حد مدرسة زمَّر
رح نرجع نشوف بالليل دوريات
تحمي الناس من كم حدا ازعر
رح ترجع عملتك احسن العملات
ويتحاسب التاجر لي ع ذوقو سعَّر
رح ترجع الناس تجتمع عالطاولات
متل ما كانت مع بعضها واكتر
وايادي لفوق ترفع الكاسات
وما حدا قاعد مزاجو متعكَّر
رح يرجع العيد يستقبل الضحكات
من شعب قضى سنين عالعيد يتحسَّر
هيهات يا وطني من الظلم هيهات
لا بد ما قيودك تنكسر ومنها وتحرُّر
ليست هناك تعليقات:
إرسال تعليق