الشب
ليش كل ما عليكي طل بتتلبكي
بيحمر وجك خجل وبتنسي الحكي
يما حبك الي هو السبب
يما عم تلعبي عليي لعبة مفبركي
الصبية
كل ما عليي اتطل بنسى الكلام
بتشرد عيوني فيك مع الأحلام
وبعيونك الحلوي سحر ما بتنلام
بتخللي افكاري ضايعة ومشربكي
الشب
شو هالسحر يلي مخبا بعيوني
خلاكي تنسي الكلام ومعي ما تكوني
كيف لو عنك غبت وصرتي من دوني
اكيد رح تنزل دموعك وتبلشي بكي
الصبية
صعبة يا حلو كون من دونك
وصعبة ما شوف السحر بعيونك
ولو غبت عني سنين والله ما بخونك
انت الحبيب لي علم قلبي التكتكي