لما طيفِك يا حلوي عا بالي خَطَر
تمنيتِك تصيري معي وتكوني الي
اخترتِك حبيبِة من بين كل البشر
الله خلقِك كرمالي حلال محلَّلي
شفتِك شمس منورة شفتك قَمَر
شفتك عروس مغنّجي ومدلَلي
شفت فيكي عيون بترسم صُوَر
شفت فيكي مرا كاملة مكمّلي
صوتِك همِس عشّاق بلْيالي السَهَر
متل العسكري عالقلب بتتسلّلي
شمَّيت فيكي ورود بأحلى عطر
زهرة ندية بالحب مشنشلي
قلبِك درب طويل ملياني خَطَر
يعني العبارة بالصريح المُخْتَصَر
مش بالسهل انو يكون قلبِك مطرَحي
الفوتي عا قلبِك لازمها جرأة ومَرْجَلي
طانيوس اندراوس
ليست هناك تعليقات:
إرسال تعليق